رسالة الى اخواننا المحاصرين والمقهورين في تيندوف ….
من ارض المغرب ارض الخير والنماء والنعيم ، الى اخواننا اللي محتجزين و عايشن في تيندوف عيشة الويل والتنكيل ، رسالتي ماهي مشفرة ولا هي مبعثرة ، بل هي سهلة الفهم وبكلمات ليها معان وأكثر من دليل ، احنا مغاربة من اصل صحراوي متشبثين بملكنا محمد السادس الهمام ،وبشعبنا المغرب اللي ليه مكانة كبيرة عند كل البلدان ، إحنا وسط الخير ترعرعنا ووالدينا رباونا على حب الأوطان اللي هو من الايمان ، عشنا الحرية وتدوقنا حلاوتها ، واعرفنا ان كل مغربي مساوي من طنجة للكويرة ، تحت راية وحدة ترفرف في كل محفل وعنوان ، شاركنا في الحياة وكونا جمعيات اعطات الخير وبها تنوهنا ونلنا شهرة وتكريمات ، اولادنا توظفوا وتعلموا فن الحياة وتدوقوا الخير وبقوانين ودستور كل واحد منا عرف لي ليه واللي عليه ، سواسية من الكبير حتى اللي الصغير .
تبنات سدود وتشيدات مشاريع منها مباني ومعامل واوراش كبيرة ما ليها مثيل ، تعبدت طرقان في كل جهة وتزودت الساكنة بالكهرباء والماء االحلو الزين وبسواعد مثينة خرج الشئ من لاشئ وعم الخير والسكينة والهناء وبمشاركة الكل سنوا قوانين تضربات ليها امثال وبالديموقراطية تعزز الانسان .
المهم يا اخوانا الصحراويين يا اللي تحت الذل والهوان عايشين ، يا اللي توفاوا منهم رجال وتعدبت ناس وتشردت عائلات واللي بقا منهم في المخيمات الملغومة محصورين ، وممنوعين من تدوق الحرية اللي هي حق عين ، يا اللي فقدوا العيشة الكريمة وجاعوا جوعة الذبانة في البطانة ، يا اللي مساعداتهم تنباع بين ايادي الجبروت الخبيث وتصرفات في اسواق سودة وبعيدة ما ليها عنوان ، يا اللي تشردوا بين الفيافي والصحاري وزمهرير العجاج الكحل ، تنكواو من وبلات الحر والقر ، ننصحكم بزعزعة كيان الشردمة اللي تحاصركم ، وما تقبلوا الذل اللي عايشين فيه، تحركوا في كل جهة وامكان ، ونظموا احتجاجات وتمرد ضد الي ستغلوكم شر استغلال ، واخرجوا من صمتكم وما تبقاوا تحت اغلال وجلادي الجزائر اللي موالف الطغيان … واعرفوا ان وعودهم الكادبة ما هي الا سراب في سرداب مضوي ما تقبلها حتى الدواب ، وتعالوا تعيشوا في بلدكم المغرب اللي كلو خيرات ، وفاتح ايديه لكل مغربي عائد ويرحم من قال : ” ان الوطن لغفور رحيم ” ، تعالوا تعيشوا باقي ايامكم في الخير العميم وتلذدوا بالحرية والكرامة والشهامة ، هادي رسالتي من صحراوي ليكم لان مايمكن نسمحوا فيكم لانكم عشتوا مرارة الحياة تحت غطاء شردمة سمات راسها بالجبهة وهي تستغلكم كعبيد .
يا شباب يا منبع الخير والنماء ، كسروا القيود وازرعوا في نفوسكم نخوة الانسان ، وشوفوا العالم متقدم وبالتكنلوجيا تعزز ، وانتوما بالطر هات الكدابة عايشين ومسحوا عقولكم بالوعود المعسولة الكادبة ، كم خصكم وانتوما تتمناو ، رجعوا لي بلادكم المغرب واللي يستقبلكم بالأحضان ، باش تشاركوا الاخوان في التنمية وتتلدوا بالحياة .
المهم هادي رسالتي من اخ يتعذب ويتحسر ويستنكرا للي لحقكم من خروقات واستبداد يا خوتنا اللي في تيندوف ، يا اللي عايشين محصورين بلا وظائف وبلا عمل وبلا ضمان وبلا كرامة اللي هي اليوم حق لكل انسان في هاد الكون ،ونتمنى تفهموا قصدي وتكسروا القيود والاغلال وتتوجهوا لبلدكم اللي لاهي يحفظ ليكم كرمتكم ويعيشكم في الخير العميم .
