أعمدة
قصيدة رائعة عن : الشعــــودة
شكون في هذا الزمان باقي غافل
ويآمـــــــن بالشعــــــــــــودة .
زمان كانت الناس نية
تظل تدور عند الفقيه والعرافة .
بالكذوب عايشين حياتهم
بالكلام الفارغ والخرافة .
عند العطار يبحث ويدور
يقلب على المجمر والبخور.
باغي يداوي بيها السحور
ماشي بالرقية الشرعية .
ولسادات غادي يزور
من سيد لسيد هاز الشمع اهدية .
يدبح الدبيحة على القبور
تكول عايش في عهد الجاهلية .
فلوسو داوهم غير لحجابات
والكارطة عند الشوافات .
معيش راسو في الوسواس
ويشك في جميع الناس
بهم محرم صلاتو
وعندهم امدوز اوقاتو .
ياخوي الرجو ع لله
وخلي عليك الشعودة .
بالقران راك تتعافى
والاذكار كل صباح وعشية .
وعمر قلبك بكلام الله
وخلي عليك الاولية .
وصلي صلاتك في اوقاتها
تبعد عليك كل أديـــة .
ماتخلي الشيطان يضحك عليك
واطلب من الله يغفرلينا وليك .
