مال الحسنية مالها …. ومالها في ملعب البهجة شوهاتنا …
شحال من مرة سمعنا كلام وكلام في اللي فايتات، وخرجو اعضاء مكتب الحسنية بمعطيات وتخمينات … قالوا كل مرة انهم غادي يخلقوا لينا المفاجئات ، شفناهم في ندوات ولقاءات وبهرجات، شفناهم كثروا علينا بالشفاوي والتكريعات والجمهور يقول الله يداوي وشاد قلبوا بالتطمينات ، ومن كلامهم الكثير اللي فيه عبرات وحسرات:
– جبنا لعابة كويريا غادي يخلقوا المفاجئات.
– هاد الدورة ديالنا وبلا منازع وغادي تشوفوا التوقعات.
– الملعب زوين وغادي يهيأ لينا الاجواء ويستافدوا منو اللعابة .
– هاد السنة قادرين نخلقوا مفاجئة .
المهم هاهي الكرة السوسية تشوهات وبالاهداف الكثيرة شبعات ، واللاعابة ظهروا في اول مقابلة في هاد الدورة في بلاد البهجة شاردين وتفننوا اولاد الحوز وبالتمريرات ستاطعوا يخلقوا مفاجئات ، ويقولوا للجمهور السوسي ان فريقكم خصوا بزاف بزاف.
المهم الدواء عند الجمهور وعند كل واحد غيور على الفريق وينوضوا يبحتوا باش يعرفوا الاسباب ويحاولوا يداويوا الوضع قبل ما توقع الفاس في الراس ونوليوا ضحكة عند الكبير والصغير يا اهل السوس .
