مباشرة من العيون : موت العدو الملك عندو شعبو …
“البلغة والجلابة والملك جاي دابا” و”موت موت يا لعدو والملك عندو شعبو” وشعارات اخرى من هادوك اللي كاين وصافي لا معنى. هاد الشي كلو كان يردد ليلة امس الخميس بشارع مكة وبداية شارع السمارة بمدينة العيون. المثير في المسيرات اللي باينة مفبركة ماشي حقاش السكان ما عزيز عليهم الملك ولكن حقاش يستجيل تخرج مسيرة ولا وقفة دابا فالعيون بلا خبار السلطة ولا اذنها،
حمل الراية الوطنية وصور الملك من قبل مواطنين يقيمون في مدينة العيون مقبول لكن ان تتم بالطريقة التي تمت بها ليلة امس الخميس فهذا خطأ في التقدير من قبل السلطات المحلية.
سكان العيون الاصليين ماشي ولاد طانطان ولا كلميم … الذين التقتهم “كود” امس الخميس عبروا عن امتعاضهم الكبير من تلك المسيرات “اخر مسيرات نتذكرها في العيون مثيلة لما شاهدناه هذه الايام هنا كانت بعد اكديم ايزيك. كنا نتمنى ان لا تعاد بتلك الطريقة. نحس ان تلك الشعارات ضدنا كصحراوة وحدويون” يشرح محمد ل”كود”.
محمد وصديقه عبد الله صدمهم الشعارين “موت موت يا العدو” اي ان هؤلاء المغاربة الذين قدموا منذ سنوات الى العيون واصبحوا منها يعتبروننا “عدو” او على الاقل “ماشي شعب الملك” يشرح عبد الله ل”كود”.
“البلغة والجلابة والملك جاي دابا” اعتبره احد سكان العيون في تصريح ل”كود” قمة في الاستفزاز “كان الدستور كيقول باللي الثقافة الحسانية مكون من مكونات الهوية المغربية. علاش فعاصمة هاد الثقافة خارجين ناس بحماية ودعم السلطة ويرددون “البلغة والجلابة” في ارض الملحفة والدراعية”. كاين للي ما كينتبهش لامور بحال هادي ولكن كثير منا كيشوف فيها محاولة لطمس ثقافتنا المحلية” يوضح المتحدث.
منتخبون ومواطنون التقتهم “كود” اعتبروا ان تلك المسيرات التي خرجت بتلك الطريقة “تسيء الى القضية عوض الدفاع عنها وانه ما كان لها ان تكون”. منطق بعضهم واضح “ياك خرجو ناس يحتجو بتلك الطريقة المستفزة لينا واش ايلى خرجو انفصاليين غاديين يديرو ليهم بحال هاكا. راه من الاحسن كانوا يخليو كلشي عفوي لا فبركة بلا اصطناع” يختم مصدر “كود”.
