القليعة : شيفور طاكسي تعرض لضربة بالسلاح وهو سائق سيارتو الي خلفت حادثة سير خطيرة

على الساعة التاسعة ليلا ديال البارح الاحد ، و بمحطة القليعة  تعرض شيفور طاكسي لضربة بالسلاح الأبيض على مستوى اليد بعد ما دخل هو وشفار ” لص” لعراك كبير داخل السيارة ،  وكترجع اسباب الواقعة الى كون السائق وصل المحطة الفوقانية للقليعة وهو سائق سيارتو بمعية ركاب  ، وهناك تم إنزال كافة الركاب من السيارة ، ونوى باش اروح لعند وليداتو يستارح حتى الصباح  كانو يستانف عملو في الصباح كما العادة ، ومللي هم بمغادرة الترمينيس طلع عندو واحد الشفار وهددوا بالسلاح وطلب منو باش يستمر في طريقو ، وبالفعل اطاع السائق الامر لانو خايف من تهديد الشفار ، وفي الطريق طلب منو الشفار يعطيه كل المدخول لهاد اليوم “لاروسيت ” ، هنا متانع السائق لتنفيد الامر ودخل معاه في مشاداة كلامية ويوجه ليه ضربة بالسلاح الابيض على مستوى اليد اليسرى ، ولقوة وألم الضربة طلق الشيفور لمقود السيارة باش تخرج عن سيطرتو وتصطدم بسيارة اخرى قادمة من الاتجاه الآخر ” بيوكرى ”  ، وكانت الصدمة قوية ، لكن الشيفور للياقة البدنية ديالو وخفته نزل ودخل مع الشفار في عراك قوي ودام مدة ، وفي الاخير استاطع باش يقبض عليه حتى جات السلطات المحلية واللي تمكنات باش تعتاقلوا وتقدمو للدرك الملكي للقليعة .

المهم انقولوا ان القليعة اصبحت تشكل خطر رقم واحد على الصعيد الجهوي من خلال الجرائم التي ازدادت بواحد الوتيرة كبيرة ، نقولو الله يحفظ وصافي .

ونوهوا بهاد الشيفور الشجاع اللي استاطع يقضي على هاد الشفار ، لكن بعدما لحق بسيارتو اضرار كبيرة وخلفات ليه اصابات على وجه اليد .

 الصورة اغال ارشيف